तिघा दलालांना ठाण्यातून अटक

सकाळ वृत्तसेवा
ठाणे, ता. २६ : कासारवडवली परिसरात स्पा आणि मसाजच्या नावाखाली वेश्याव्यवसायासाठी आलेल्या दोन महिलांसह एका पुरुषाला ठाणे शहर पोलिसांनी अटक केली. या कारवाईत पोलिसांनी सात पीडित महिलांची सुटका केली आहे.
ठाणे शहरातील कासारवडवली परिसरात स्पा/मसाजच्या नावाखाली पीडित तसेच असहाय्य महिलांकडून वेश्याव्यवसाय करून घेतला जात असल्याची माहिती अनैतिक मानवी वाहतूक प्रतिबंध कक्षेच्या वरिष्ठ पोलिस निरीक्षक चेतना चौधरी यांना मिळाली होती. त्यानुसार, पोलिसांनी दोन महिला दलाल, एक पुरुष दलालाला अटक केली. याप्रकरणी कासारवडवली पोलिस ठाण्यात गुन्हा दाखल आहे.