मंडप व्यवसायाला सुगीचे दिवस
टोकावडे, ता. ५ (बातमीदार)ः मुरबाड तालुक्यातील ग्रामीण भागात सध्या गावोगावी लग्नसराई सुरू आहे. या काळात छायाचित्रकार, फुल, आचारी, वाजंत्री, कॅटरिंगबरोबर लग्न मंडपवाल्यांचा व्यवसायसुद्धा तेजीत आला आहे.
जानेवारीपासून मेच्या कालावधीत लग्नसमारंभ, विविध सार्वजनिक उत्सव, गावोगावच्या जत्रा होतात. वर्षभरातून यात्रोत्सव, हरिनाम सप्ताहामध्ये मंडप व्यावसायिक तेजीत असल्याचे दिसून येतात. लग्नसराई, यात्रा उत्सव मार्च, एप्रिल, मे हे तीन महिने महत्त्वाचे असल्याने फोटोग्राफी व्यावसायिकांना फायदा होतो. लग्न समारंभ आणि गावोगावचे पालखी सोहळे कलावंतांचे सुगीचे दिवस असतात. अशा वेळी वाजंत्री एकमेकांसोबत सहकार्य करून ऑर्डर घेतात. सध्या ग्रामीण भागात लग्नसराई, यात्रा उत्सव सुरू असल्याने फायदा होत आहे. यात्रा, ग्रामीण भागांत सुरू असल्याने भाविकांची दर्शनासाठी मोठी गर्दी होत असल्याचे दिसून येत आहे. लहानसहान, मोठ्या वस्तू विक्री करणारे व्यापाऱ्यांना सुगीचे दिवस आले आहेत.
.........
मंडप बांधणाऱ्यांना रोजगार
उन्हाळ्यामध्ये तीन ते चार महिने लग्नसराई मोठ्या प्रमाणात असल्याने मंडप व्यावसायिक यांना काम करण्यासाठी ग्रामीण भागातील अनेक तरुणांना रोजगार मिळत असतो. दिवस-रात्र काम करून हे तरुण हजार ते पंधराशे रुपये एका ऑर्डर मागे मिळत असल्याने त्यांना दोन-तीन महिने चांगल्या प्रकारचा रोजगार या व्यवसायातून उपलब्ध होतो.
.........................
ग्रामीण भागात सभागृहांची सुविधा
मुरबाड तालुक्यातील ग्रामीण भागामध्ये अनेक ठिकाणी लग्न समारंभाकरिता सभागृह बांधण्यात आले आहे. या सभागृहामध्ये लग्न लावण्यासाठी ग्रामीण भागातील मंडळी मोठ्या प्रमाणात लग्नाचे हॉल बुकिंग करत आहे. या हॉलमालकांनाही चांगल्या प्रकारचा रोजगार मिळत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.