विविध नागरी समस्यांबाबत चर्चा

विविध नागरी समस्यांबाबत चर्चा
आमदार विश्वनाथ भोईर यांनी घेतली आयुक्तांची भेट
कल्याण, ता. ७ (वार्ताहर) : कल्याण पश्चिम विधानसभा मतदारसंघातील विविध नागरी समस्यांबाबत कल्याण-डोंबिवली महापालिका आयुक्तांची आमदार विश्वनाथ भोईर यांनी मंगळवारी (ता. ६) भेट घेत प्रदीर्घ चर्चा केली. यामध्ये विशेषतः मतदारसंघातील आरोग्य सुविधा, रुक्मिणीबाई रुग्णालयात रुग्णवाहिकेअभावी महिलेचा झालेला मृत्यू, रिंग रोड प्रकल्प, सॅटीस प्रकल्प, रस्त्यांची कामे, बाधितांचे पुनर्वसन, नालेसफाई, शहरातील स्वच्छता, रस्त्यांची कामे आदी महत्त्वाच्या विषयांवर आमदार विश्वनाथ भोईर यांनी आयुक्त अभिनव गोयल यांच्याशी सखोल चर्चा केली. तसेच या सर्व विषयांवर तातडीने आवश्यक ती कार्यवाही करण्याची मागणी केली.

कल्याण-डोंबिवली महापालिका आयुक्त अभिनव गोयल यांनीही या सर्व महत्त्वाच्या विषयांमध्ये लक्ष देऊन लवकरात लवकर हे प्रश्न सोडवण्यात येतील, असे आश्वासन दिले. या वेळी जिल्हाप्रमुख अरविंद मोरे, उपनेत्या विजया पोटे, महिला जिल्हा संघटक छाया वाघमारे, शहरप्रमुख रवी पाटील, माजी महापौर वैजयंती घोलप, विधानसभा संघटक माजी नगरसेवक संजय पाटील, माजी नगरसेवक मयूर पाटील, माजी नगरसेवक मोहन उगले, माजी नगरसेवक जयवंत भोईर, माजी नगरसेवक सुनील वायले, माजी नगरसेवक गणेश जाधव, माजी नगरसेवक दुर्योधन पाटील, माजी नगरसेवक विद्याधर भोईर, माजी गणेश कोट, माजी नगरसेविका रजनी मिरकुटे, प्रतीक पेणकर, अनघा देवळेकर, भारत मिरकुटे आदी उपस्थित होते.