पालघरचा १९ मे रोजी महिला लोकशाही दिन

पालघर, ता. १० (बातमीदार) : समस्याग्रस्त व पीडित महिलांना त्यांचे प्रश्न मांडण्यासाठी, तसेच त्यांच्या हक्कांचे संरक्षण उपलब्ध करून देण्याच्या दृष्टीने महिलांच्या तक्रारी, अडचणी यांची शासकीय यंत्रणेकडून सोडवणूक करण्यासाठी जिल्हाधिकारी डॉ. इंदुराणी जाखड यांच्या अध्यक्षतेखाली जिल्हास्तरावर महिला लोकशाही दिन सोमवारी (ता. १९) पालघर जिल्हाधिकारी कार्यालयात आयोजित करण्यात आला आहे. यासाठीचा अर्ज जिल्हाधिकारी यांना उद्देशून असावा. तसेच टोकन क्रमांक आणि तहसीलदारांच्या उत्तराची प्रत अर्जासोबत जोडण्यात यावी. तक्रार, अडचण सोडविण्यासाठी अर्ज जिल्हा महिला व बालविकास अधिकारी कार्यालय, कक्ष क्र. १०८, पहिला मजला, प्रशासकीय इमारत अ, जिल्हाधिकारी कार्यालय परिसर, पालघर येथे करावा. तसेच संपर्कासाठी ई-मेल dwcdopalghar@gmail.com आणि दूरध्वनी क्र. ०२५२५-२५७६२२ यांच्याकडे आवश्यक त्या कागदपत्रांच्या पुरव्यासह सादर करावे, असे आवाहन जिल्हा महिला व बालविकास अधिकारी यांनी केले आहे.