मुलुंडमध्ये जागतिक मातृ दिनानिमत्ताने विशेष मार्गदर्शन शिबिराचे आयोजन

जागतिक मातृदिनानिमत्ताने विशेष मार्गदर्शन शिबिराचे आयोजन

मुलुंड, ता. १० (बातमीदार) : जागतिक मातृदिनाचे औचित्य साधून मराठा मंडळ, मुलुंड आणि फोर्टिस हॉस्पिटल यांच्या संयुक्त विद्यमाने मुलुंड येथे विशेष व्याख्यान सत्र आयोजित करण्यात आले आहे. सध्या महिलांच्या आरोग्यावर ताणतणाव, व्यस्त जीवनशैली आणि अनारोग्यपूर्ण सवयींचा परिणाम दिसून येतो. यामुळे विशेषतः कॅन्सरसारख्या दुर्धर आजाराचे प्रमाण वाढत असून, त्याबाबत वेळेवर माहिती मिळणे आवश्यक आहे.
या विषयावर फोर्टिस हॉस्पिटलच्या तज्ज्ञ डॉ. संगीता रावदेव यांचे सखोल मार्गदर्शन उपस्थितांना मिळणार आहे. हे शिबिर मंगळवार (ता. १३) संध्याकाळी ५ वाजता मराठा मंडळाच्या दुसऱ्या मजल्यावरील सभागृहात आयोजित करण्यात आले आहे.
या सत्रात महिलांच्या आरोग्यविषयक समस्या, त्यांची कारणे, प्रतिबंध, लवकर निदान आणि आधुनिक उपचारपद्धती यावर माहिती दिली जाईल. कार्यक्रमाच्या शेवटी महिलांना आपले प्रश्न विचारण्याची संधीही मिळणार आहे. जास्तीत जास्त महिलांनी उपस्थित राहून या मोफत मार्गदर्शनाचा लाभ घ्यावा, असे आवाहन आयोजकांनी केले आहे.