कल्याण-डोंबिवलीत मंगळवारी पाणीपुरवठा बंद

कल्याण-डोंबिवलीत मंगळवारी पाणीपुरवठा बंद
कल्याण, ता. १० (वार्ताहर) : महावितरणतर्फे मंगळवारी (ता. १३) देखभाल व दुरुस्तीचे काम हाती घेण्यात येणार आहे. यामुळे कल्याण-डोंबिवली महापालिका क्षेत्रातील अनेक भागांत पाणीपुरवठा पूर्णतः बंद राहणार आहे. महावितरणच्या २२ के. व्ही. एनआरसी-२ फिडरवरील देखभाल दुरुस्तीमुळे सकाळी ९ ते दुपारी ५ या वेळेत विद्युतपुरवठा बंद ठेवण्यात येणार आहे. या कालावधीत नेतवली जलशुद्धीकरण केंद्र, मोहिली उंदचन केंद्र व मोहिली जलशुद्धीकरण केंद्र येथील वीजपुरवठा होणार नाही. त्यामुळे कल्याण ग्रामीण विभाग मांडा-टिटवाळा, वडवली, आंबिवली, शहाड, अटाळी, कल्याण पूर्व-पश्चिम, डोंबिवली पूर्व-पश्चिम परिसरातील पाणीपुरवठा पूर्णतः खंडित राहणार आहे. पाणीकपातीसाठी पूर्वतयारी म्हणून आवश्यक पाण्याचा साठा करून सहकार्य करावे, असे आवाहन कल्याण-डोंबिवली महापालिकेच्या पाणीपुरवठा विभागाच्या वतीने करण्यात आले आहे.