राष्ट्रसेवा दलाच्या शिबिरात व्यक्तिमत्व विकासावर भर
बोर्डी, ता. १२ (बातमीदार) : पालघर जिल्हा राष्ट्रसेवा दलातर्फे ४ ते ११ मेदरम्यान आयोजित केलेले व्यक्तिमत्त्व विकास शिबिर बोर्डी येथे हकीमजी हायस्कूलच्या माजी विद्यार्थी संघाच्या शिबिर निवासात मोठ्या उत्साहात पार पडले. डहाणू तालुक्यातील ३८, तलासरी आठ, विक्रमगड सहा, पालघर आणि वसईतील प्रत्येकी चार असे मिळून ६० विद्यार्थी-विद्यार्थिनी या शिबिरात सहभागी झाले होते. या शिबिरात विविध बौद्धिक क्षेत्रांचे आयोजन करण्यात आले होते.
सेवा दल कार्यकर्ते श्रीकांत लक्ष्मी शंकर यांनी खेळाच्या माध्यमातून शिबिरार्थींशी संवाद साधत राष्ट्रसेवा दलाचा इतिहास, ओळख आणि पंचसूत्री याबद्दल माहिती दिली. अंधश्रद्धा निर्मूलन समिती पालघर जिल्ह्याचे अध्यक्ष अण्णा काडलसकर यांनी विद्यार्थ्यांशी संवाद साधताना विविध प्रकारच्या अंधश्रद्धा व गैरसमज याची प्रात्यक्षिकासह माहिती दिली. वसई-विरारमधील पथनाट्यकार जुरान लोपीस आणि मॅक्सवेल रोज यांनी पथनाट्याची माहिती देत विविध क्रीडा स्पर्धांच्या माध्यमातून मुलांच्या मनातील भीती दूर करून पाच गटांचे पथनाट्य बसवून घेतले. पर्यावरणावर काम करणाऱ्या वसईतील युथ संस्थेचे कार्यकर्ते डाबरे यांनी पर्यावरण, तसेच बोर्डीचे सर्पमित्र सूर्यहास चौधरी यांनी वन्यजीव या विषयावर विद्यार्थ्यांना प्रबोधन केले. कँलीस ब्रास यांनी शिबिरार्थींना योगाचे धडे दिले. प्रज्ञा गावड, डेरीक राँड्रीग्ज, दयानंद वर्तक, विद्याधर ठाकूर यांच्या उपस्थितीत रविवारी (ता. ११) शिबिराची सांगता झाली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.