सैनिकांच्या पराक्रमाचे कौतुक करण्यासाठी महाआरती

खारघर, ता. १३ (बातमीदार) : दहशतवाद्यांनी पहलगाम येथे हल्ला केल्यानंतर भारतातील अनेक नागरिकांचा निष्पाप जीव गेला. या भ्याड हल्ल्याला उत्तर देण्यासाठी भारत सरकारने पाकिस्तानच्या विरोधात ऑपरेशन सिंदूर मोहीम राबवून दहशतवाद्यांचा तसेच पाकिस्तानी सैनिकांचे मनसुबे उधळून लावत पाकिस्तानच्या चारही बाजूंनी कोंडी करून बदला घेतला. या मोहिमेत देशाच्या रक्षणासाठी अफाट शौर्य, धाडस दाखवत पराक्रम गाजवणाऱ्या भारतीय सैन्यदलातील शूर सैनिकांना सलाम देण्यासाठी सकल हिंदू समाज, विश्व हिंदू परिषद, बजरंग दल आणि हिंदू जागरण मंचच्या वतीने सोमवार (ता. १२) सायंकाळी शिवमंदिरात महाआरती करण्यात आली. या वेळी वीरमरण आलेल्या हुतात्म्यांना श्रद्धांजली वाहण्यात आली. या वेळी खारघरमधील रहिवासी मोठ्या प्रमाणात सहभागी झाले होते.