पोलादपूर-महाबळेश्वर रस्त्यावर मातीचा खच

पोलादपूर-महाबळेश्वर रस्त्यावर मातीचा खच
पोलादपूर, ता. १४ (बातमीदार) : रायगड जिल्ह्यामध्ये मागील चार दिवसांपासून अवकाळी पाऊस दुपारी हजेरी लावत असून बुधवारी (ता. १४) पुन्हा पोलादपूर तालुक्याचा अवकाळीने अक्षरशः झोडपून काढले. नेहमीच वर्दळीचा असलेल्या पोलादपूर महाबळेश्वर रस्त्यावर बाजीरे गावच्या हद्दीमध्ये रस्त्यावर मातीचा काही भाग रस्त्यावर आल्यामुळे वाहने घसरून अपघाताची शक्यता निर्माण झाल्याने दुचाकी तसेच चारचाकी वाहनचालकांना जीव मुठीत घेऊन प्रवास करावा लागला.
बुधवारी दुपारी १ वाजण्याच्या सुमारास जवळपास तासभर पडलेल्या जोरदार पावसामुळे येथील वीजपुरवठाही खंडित करण्यात आला होता. मागील चार दिवस जोरदार पडत असलेल्या पावसामुळे आंबा बागायतदारांचे मोठे नुकसान झालेले असून तालुक्यातील अनेक भागांमध्ये झाड पडण्याच्या घटनादेखील घडल्या आहेत. अवकाळी पावसामुळे सर्वत्र तालुक्यांमध्ये शुकशुकाट पाहायला मिळाला असून, जनजीवन विस्कळित झालेले आहे.