बुद्ध जयंतीनिमित्त अनाथ मुलांना खेळणी व कपड्यांचे वाटप

बुद्ध जयंतीनिमित्त अनाथ मुलांना खेळणी व कपड्यांचे वाटप
मुंबई, ता. १५ ः तथागत भगवान गौतम बुद्ध यांची जयंती त्रिशरण सन्मान संघातर्फे अनोख्या पद्धतीने साजरी करण्यात आली. यानिमित्ताने त्रिशरण सन्मान संघाने अनाथ मुलांसाठी कपडे व खेळणी वाटप केली. नायगाव येथील फॅमिली होम गिल्ड ऑफ सर्व्हिस बॉम्बे ज्युनियर चिल्ड्रन होम ही संस्था गेल्‍या ५० वर्षांपासून अनाथ बालकांचे संगोपन करण्याचे काम करीत आहे. बुद्ध जयंतीनिमित्त त्रिशरण सन्मान संघाच्या सदस्यांनी या संस्थेला भेट दिली व अनाथ मुलांसाठी कपडे व खेळण्यांचे वाटप केले. या वेळी हिंदुस्थान पेट्रोलियम एससीएसटी असोसिएशनचे सचिव जितेंद्र कांबळे व इतर पदाधिकारी उपस्थित होते. यासोबत अरुण गमरे, नरेंद्र कांबळे, समीर गमरे, राजू पवार, विशाल सरतापे, प्रमोद गायकवाड आणि विजय चांदोरकर यांची प्रमुख उपस्थिती होती.