उल्हासनगरात शौचालयात नेऊन अल्पवयीन मुलावर लैंगिक अत्याचार

उल्हासनगरात अल्पवयीन मुलावर लैंगिक अत्याचार
उल्हासनगर, ता. १६ : उल्हासनगर मध्यवर्ती पोलिस ठाणेअंतर्गत एका अल्पवयीन मुलावर शौचालयात नेऊन लैंगिक अत्याचार केल्याची धक्कादायक घटना उघडकीस आली आहे. याप्रकरणी मध्यवर्ती पोलिसांनी आरोपीला बेड्या ठोकल्या आहेत. पीडित मुलगा हा गुरुवारी (ता. १५) दुपारच्या सुमारास सार्वजनिक शौचालयात गेला असता त्या ठिकाणी आरोपी अमित कोतपिल्ले याने धमकी देत त्याच्यावर लैंगिक अत्याचार केले. रक्तस्राव होऊ लागलेल्या मुलाची आई-वडिलांनी विचारपूस केली असता त्याच्यासोबत लैंगिक अत्याचार झाल्याचे उघड झाले. त्यांनी मध्यवर्ती पोलिस ठाणे गाठून आरोपीविरोधात गुन्हा दाखल केला. आरोपीची काही दिवसांपूर्वीच कारागृहातून जामिनावर सुटका झाली आहे. यापूर्वीदेखील त्याच्यावर गंभीर स्वरूपाचे गुन्हे दाखल आहेत. आज त्याला कल्याण येथील न्यायालयात हजर करण्यात आले.