टेम्पो घेऊन चालक फरार

भिवंडी (वार्ताहर) : शहरातील एका व्यावसायिकाने त्याच्या मालकीचा टेम्पो चालकाकडे विश्वासाने सोपवला होता, मात्र चालकाने तो टेम्पो पळवून नेल्याची घटना घडली आहे. याप्रकरणी चालकाविरोधात शांतीनगर पोलिस ठाण्यात गुन्हा दाखल करण्यात आला आहे. नईमुद्दीन सिराजुद्दीन सिद्धीकी (वय ३०) असे संशयित आरोपीचे नाव आहे. पोलिसांनी दिलेल्या माहितीनुसार, ट्रान्सपोर्ट व्यवसाय करणारे टेमघर येथील कुणाल जितेंद्र शेटे (वय २८) यांनी चार लाखांचा टेम्पो (क्र. एमएच ०४ एलई ०१२०) हा नेहमीप्रमाणे चालक नईमुद्दीनकडे १६ मे रोजी सकाळी सोपवला होता. टेम्पो नेत तो पसार झाल्याचे लक्षात येताच जितेंद्र यांनी फिर्याद दाखल केली.