‘एनएमआयएमएस’तर्फे इंजिनीअरिंग, लॉ, कॉमर्स व अन्य अभ्यासक्रम

‘एनएमआयएमएस’तर्फे इंजिनिअरिंग,
लॉ, कॉमर्स व अन्य अभ्यासक्रम
मुंबई, ता. १९ : एनएमआयएमएस विद्यापीठातर्फे २०२५-२६ या शैक्षणिक वर्षासाठी पदवीपूर्व अभ्यासक्रमांसाठी अंतिम अर्ज प्रक्रिया सुरू केली आहे.
बारावीची परीक्षा उत्तीर्ण होऊन इंजिनिअरिंग, लॉ, कॉमर्स, फार्मसी, मॅनेजमेंट किंवा अ‍ॅनालिटिक्स या क्षेत्रांमध्ये करिअरच्या संधी शोधणाऱ्या विद्यार्थ्यांनी विद्यापीठाच्या विशेष प्रवेश परीक्षा माध्यमातून अर्ज करावा. एनपीएटी, एनसीईटी, एनएलएटी आणि एमएसटी या प्रवेश परीक्षांच्या नोंदणी प्रक्रियेयासाठी २६ मे २०२५ ही शेवटची तारीख आहे.
एनएमआयएमएस एनपीएटी (नॅशनल टेस्ट फॉर प्रोग्रॅम्स आफ्टर ट्वेल्थ) ही कॉमर्स, इकोनॉमिक्स, लिबरल आर्ट्स, ब्रँडिंग व अ‍ॅडव्हर्टायझिंग, इंटरनॅशनल स्टडीज आणि मार्केटिंग या पदवीपूर्व अभ्यासक्रमांसाठीची प्रवेश परीक्षा आहे. हे अभ्यासक्रम मुंबई, नवी मुंबई, बंगळूर, इंदूर, हैदराबाद आणि चंडीगड या कॅम्पसमध्ये उपलब्ध करून देण्यात येतात. लिबरल आर्ट्स, ब्रँडिंग व अ‍ॅडव्हर्टायझिंग, इंटरनॅशनल स्टडीज आणि मॅनेजमेंट हे अभ्यासक्रम फक्त मुंबई कॅम्पसमध्येच उपलब्ध आहेत.
एनसीईटी (एनएमआयएमएस कॉमन एंट्रन्स टेस्ट) ही एनएमआयएमएसमधील फार्मसी आणि इंजिनिअरिंग अभ्यासक्रमांसाठीची प्रवेश परीक्षा आहे. मुंबई, हैदराबाद आणि शिरपूर या ठिकाणी उपलब्ध असलेल्या पाच वर्षांच्या दुहेरी पदवीच्या बी.फार्म + एमबीए (फार्मा टेक) अभ्यासक्रमात औषधनिर्माण शास्त्र आणि व्यवसाय व्यवस्थापन यांची सांगड घालण्यात आली आहे. स्कूल ऑफ टेक्नॉलॉजी मॅनेजमेंट अँड इंजिनिअरिंगतर्फे बी.टेक आणि एमबीए टेक पदवी प्रदान करण्यात येते. यात एआय, सायबरसुरक्षा, मेकाट्रॉनिक्स, मेकॅनिकल, सिव्हिल आणि कॉम्पुटर इंजिनिअरिंग यामधील स्पेशलायझेशनचा समावेश आहे.