भिवंडीत दोन घरफोडीच्या घटनाच चार लाखांचे दागिने लंपास

भिवंडीत दोन घरफोडीच्या घटनांत चार लाखांचे दागिने लंपास
भिवंडी, ता. (वार्ताहर) : शहरातील दोन वेगवेगळ्या ठिकाणी घडलेल्या घरफोडीच्या घटनांमध्ये अज्ञात चोरट्यांनी एकूण पावणेचार लाख रुपयांचे सोने-चांदीचे दागिने आणि मोबाईल चोरल्याच्या घटना घडल्या आहेत. यामध्ये पहिल्या घटनेत शहरातील धामणकर नाका परिसरातील न्यू कणेरी येथील हनुमान मंदिराजवळील विराज अपार्टमेंटमध्ये राहणारे खली रमेश गुडीमल्ला (वय २८) हे रविवारी (ता. १८) सायंकाळी कामानिमित्त घराबाहेर गेले होते. त्यानंतर चोरट्यांनी त्यांच्या खोलीचा दरवाजा तोडून घरातील तीन लाख ६० हजार रुपये किमतीचे सोने-चांदीचे दागिने लंपास केले. याप्रकरणी अज्ञातांविरोधात शहर पोलिसात गुन्हा दाखल केला आहे. दुसऱ्या घटनेत शांतीनगर परिसरातील न्यू आझादनगरमध्ये राहणारा करण अर्जुन गुप्ता (वय २०) घरी झोपलेला असताना चोरट्याने पहाटे शिडीच्या सहाय्याने घराच्या बाल्कनीमधून घरात प्रवेश करून २७ हजार रुपये किमतीचे सोन्याचे दागिने आणि मोबाईल चोरला.