नवी मुंबई महापालिकेतील अभियंत्यांच्या बदल्या

वाशी, ता. २४ (बातमीदार) : नवी मुंबई महापालिका आयुक्त डॉ. कैलास शिंदे यांच्या आदेशान्वये सिस्टर इन चार्ज, सहाय्यक अभियंता स्थापत्य, सहाय्यक अभियंता विद्युत, सहाय्यक अभियंता यांत्रिकी, उपअभियंता स्थापत्य यांची सेवाज्येष्ठतेनुसार अंतर्गत बदल्या करण्यात आल्या आहेत. तसेच कनिष्ठ अभियंता यांची सहाय्यक अभियंता पदावर पदोन्नती करण्यात आली आहे.
घणसोली येथील एफ विभाग कार्यालयामध्ये असणारे रोहित ठाकरे यांची नेरूळ येथील बी विभागामध्ये स्थापत्य अभियंता पदावर बदली करण्यात आली आहे. महेश होलगीर यांची सार्वजनिक बांधकाम विभागातून ठाणे-बेलापूर रोड येथे बदली करण्यात आली आहे. संतोष पवार यांची नेरूळ बी विभाग कार्यालयातून बी विभाग स्थापत्य येथे बदली करण्यात आली आहे. सुहास टकले यांची नगररचना विभागातून नेरूळ बी विभाग कार्यालयातील मलनिस्सारण विभागामध्ये बदली करण्यात आली आहे. संतोष गवळी यांची घणसोली एफ विभाग कार्यालयातील स्थापत्य विभागात बदली करण्यात आली आहे. संदीप म्हात्रे यांची जी विभाग ऐरोली स्थापत्य विभागामध्ये बदली करण्यात आली आहे. प्रकाश बोधी बागडे यांची घणसोली विभाग कार्यालयामध्ये बदली करण्यात आली आहे. राकेश निमेश यांची जी विभाग कार्यालय येथून एच विभाग कार्यालय दिघा येथे स्थापत्य, पाणीपुरवठा व मलनिस्सारण येथे बदली करण्यात आली आहे.