झोपडपट्ट्यांवर पावसाचे संकट

झोपडपट्ट्यांवर पावसाचे संकट

Published on

उल्हासनगर, ता. २६ (वार्ताहर) : उल्हासनगरातील कोणार्क रेसिडेन्सी परिसरात दरवर्षी पावसाळ्यात महात्मा गांधीनगर, राजीव गांधीनगर आणि बाळकृष्ण नगर येथील रहिवाशांना नाल्यातून ओसंडणाऱ्या पाण्याचा त्रास सहन करावा लागतो. या भागातून वाहणाऱ्या मोठ्या नाल्यामध्ये एमआयडीसीच्या दोन जलवाहिन्या कलव्हर्ट खालील जागेतून जातात. ज्यामुळे पावसाळ्यात नाल्यात कचरा अडकतो आणि पाणी भरून झोपडपट्टीत शिरते. परिणामी, स्थानिकांना दरवर्षी आर्थिक आणि शारीरिक नुकसानीला सामोरे जावे लागते.

यंदा पावसाला लवकर सुरुवात झाली आहे. मात्र, नाल्यातील गाळ आणि कचऱ्याची योग्य प्रकारे विल्हेवाट लागलेली नाही. स्थानिकांच्या मते, आरोग्य विभाग आणि सार्वजनिक बांधकाम विभाग यांनी या भागात तातडीने हस्तक्षेप करावा. संपूर्ण नाल्याची साफसफाई करून, काढलेला गाळ स्थलांतरित करावा. दीर्घकालीन उपाय म्हणून जलवाहिन्या नाल्यावरून स्थानांतरित कराव्यात. ही समस्या वर्षानुवर्षे कायम आहे; पण अजूनही प्रशासनाने ठोस निर्णय घेतलेला नाही. वेळीच उपाययोजना न केल्यास परिसरातील नागरिकांना यंदाही मोठ्या संकटाचा सामना करावा लागणार आहे. नागरिक आता महापालिकेकडून तातडीच्या आणि कायमस्वरूपी उपायांची अपेक्षा करत आहेत.

जलवाहिन्या नाल्यावरून घेण्याची मागणी
नाल्यातून काढलेला कचरा व गाळ नाल्याच्या दोन्ही कडेला ठेवण्यात येतो. परिणामी, पावसाळ्यात तोच कचरा पाण्याच्या प्रवाहात अडथळा निर्माण करतो. रेल्वे रुळाशेजारील कलव्हर्टमधून दोन मोठ्या जलवाहिन्या जात असल्याने तिथे कचरा अडकतो. या जलवाहिन्या जर नाल्याच्या वरून नेल्या, तर पाण्याचा अडथळा दूर होऊन परिसर पूरमुक्त होईल, अशी मागणी महाराष्ट्र नवनिर्माण सेनेचे शहराध्यक्ष संजय घुगे यांनी महापालिका आयुक्तांना दिलेल्या निवेदनात केली आहे.

दरवर्षी पावसाळा आला की झोपड्यांमध्ये नाल्याचे पाणी शिरते. ही जलवाहिनी कलव्हर्टमधून हटवून वरून घेतली, तरच निर्माण होणाऱ्या संकटातून मुक्ती मिळेल. प्रशासनाने यावेळी फक्त पाहणी न करता ठोस निर्णय घ्यावा.
- संजय घुगे, मनसे, उल्हासनगर शहराध्यक्ष

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com