खासदार महावितरणवर बरसले!

खासदार महावितरणवर बरसले!

Published on

बदलापूर, ता. २७ (बातमीदार) : काही महिन्यांपासून बदलापुरात अदानी कंपनीच्या ठेकेदारांकडून प्रत्येक गृहसंकुलात पत्रक देऊन टीओडी मीटर बसवण्यासाठी केल्या जाणाऱ्या सक्तीवर खासदार चिडले आहे. त्यांनी महावितरणच्या कार्यकारी अभियंत्याला फोनवरून नव्या मीटरसाठी सक्ती करू नका. सक्ती करणे हा तुमचा अधिकारच नाही. बदलापुरात सक्ती करण्यावर पुन्हा तक्रार येता कामा नये, असे म्हणत खासदार महावितरणवर बरसले.
महावितरणने टीओडी मीटर आणले आहेत. त्यात आपल्याकडील जुनी मीटर प्रणाली बदलून नवे मीटर लावणे अनिवार्य असल्याचे सांगत बदलापुरात महावितरणकडून अनेक गृहसंकुलांना पत्र पाठवले जात आहे. जर हे मीटर लावले, तर त्याचा फायदा होतो, असे महावितरणने त्यांच्या पत्रकात सांगितले आहे. मात्र, सध्याचे मीटर कार्यान्वित असताना, हे नवीन मीटर बसवण्यासाठी सक्ती करण्यात येत असल्याबद्दल अनेक सोसायटीधारकांनी खासदार सुरेश म्हात्रे यांच्याकडे तक्रार केली. नालेसफाई कामाची पाहणी करण्यासाठी बदलापुरात आलेल्या भिवंडी लोकसभेचे खासदार म्हात्रे यांनी या तक्रारी संदर्भात मुख्याधिकारी मारुती गायकवाड यांच्या दालनात महावितरणचे कार्यकारी अभियंता काटकर यांना संपक साधला. आपल्याकडून बदलापूरकरांना मीटर बसवण्यासाठी जी सक्ती केली जाते, ती बंद करावी. तुम्हाला ही सक्ती करण्याचे अधिकार नाहीत. त्यामुळे अशी तक्रार पुन्हा येता कामा नये, असे म्हणत महावितरणला चांगला दम भरला.

सोसायटीधारकांना दिलासा
शहापुरात मी स्वतः लक्ष घालून, ही मीटर सक्ती बंद केली आहे. मीटर जोडणीसुद्धा बंद केली आहे. ज्या वेळी मीटर नादुरुस्त होतील, त्यावेळी ग्राहक स्वतःहून मीटर बदलण्यासाठी सांगतील. तेव्हाच, तुम्ही ही नवीन प्रणाली बसवा. तोपर्यंत कोणत्याही ग्राहकाला मीटर बसवण्याची सक्ती करू नका, अशी सक्त ताकीद खासदारांनी महावितरणला दिली आहे. यामुळे बदलापुरातील ज्या सोसायटीधारकांना महावितरणकडून टीओडी मीटर बसवण्यासाठी सक्ती केली जात आहे, त्यांना कुठेतरी दिलासा मिळाला आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com