देवराळवाडी येथे घर कोसळून महिला जखमी

देवराळवाडी येथे घर कोसळून महिला जखमी
मुरबाड, ता. २७ (बातमीदार) ः तालुक्यातील फणसोली ग्रामपंचायत हद्दीतील देवराळवाडी येथे मंगळवारी (ता. २७) एक घर कोसळले. या घटनेत घरातील सदस्य जखमी झाले. त्यापैकी एका महिलेला मुरबाड येथील रुग्णालयात दाखल करण्यात आले असून महिलेची प्रकृती स्थिर असल्याचे डॉक्टरांनी सांगितले. भरत जैतू भस्मा असे घर मालकाचे नाव आहे. देवराळवाडी येथे एका झोपडीत हे कुटुंब राहत होते. दोन-तीन दिवसांपासून पडत असलेल्या पावसामुळे मोडकळीला आलेले हे घर कोसळले.