गुणवंत विद्यार्थ्यांना ग्रामपंचायतीकडून शाबासकी

किन्हवली (बातमीदार)ः अस्नोलीतील प्रगती विद्यालयाने यशाची परंपरा कायम राखत दहावीचा निकाल ९८ टक्के लावला आहे. शिक्षकांच्या मार्गदर्शनाच्या जोरावर विद्यालयातील प्रणाली दिनकर ९३.६० टक्के गुण मिळवत प्रथम, मृणाली रोकडे ९०.६० द्वितीय तर उपासना किरपण ८६.४० इतके गुण मिळवून तृतीय क्रमांकाने उत्तीर्ण झाली. मुलांनी मिळवलेल्या या यशाचे कौतुक करताना अस्नोली ग्रामपंचायतीने विद्यार्थ्यांसह पालकांना स्मृतिचिन्ह, सन्मानपत्र व शाल देऊन सत्कार केला. या वेळी सरपंच विष्णू देसले, उपसरपंच अंकुश सातपुते, माजी उपसरपंच अर्जुन दिनकर, ग्रामपंचायतीचे अधिकारी वृंदावणी पाटील, सदस्य अरुण ठोंबरे, पंकज देसले, पांडुरंग ठोंबरे, रत्ना घनघाव, पूजा कोंगेरे, जागृती दिनकर, सुनीता देसले, ज्येष्ठ नागरिक दत्तात्रय सातपुते, गुरुनाथ रोकडे आदी उपस्थित होते.