खासगी गृहसंकुलाकडून झाडांच्या मुळवर काँक्रीटीकरण

खासगी गृहसंकुलाकडून झाडांच्या मुळवर काँक्रीटीकरण

Published on

खासगी गृहसंकुलाकडून झाडांच्या मुळावर काँक्रीटीकरण
पर्यावरणप्रेमींमध्ये नाराजी; पालिका प्रशासनाकडून कारवाईचे आश्वासन
विरार, ता. २८ (बातमीदार) ः विरार पश्चिमेच्या बोळिंज खारोडी येथील मुख्य रस्त्यालगत पालिकेच्या झाडांच्या मुळांवर काँक्रीटीकरण करण्यात आले आहे. त्‍यामुळे झाडांना इजा पोहोचली असून, पर्यावरणवाद्यांकडून नाराजी व्‍यक्‍त केली जात आहे. या काँक्रीटीकरणामुळे येथील झाडांना धोका निर्माण झाला आहे, तर दुसरीकडे पाणी जाण्याचा नैसर्गिक मार्गही बंद झाला आहे. त्‍यामुळे याप्रकरणी पालिकेने लक्ष देऊन योग्य ती कारवाई करावी, अशी मागणी करण्यात येत आहे, तर यासंदर्भात महापालिकेचे उपायुक्‍त दीपक सावंत यांनी प्रत्यक्षात जागेवर पाहणी करण्यासाठी संबंधित विभागातील अधिकाऱ्यांना पाठवून तेथील अतिक्रमण हटविले जाईल, अशी माहिती दिली.
पश्चिमेकडून विरार-आगाशी मुख्य रस्ता गेला आहे. या रस्त्याच्या कडेला महापालिकेने वृक्षलागवड केली आहे, मात्र बोळिंज खारोडी येथील भागात एका खासगी गृहसंकुलाने आपल्या इमारतीच्या समोर काँक्रीटीकरण केल्याचा प्रकार समोर आला आहे. हे काँक्रीटीकरण थेट झाडांच्या मुळांवर करण्यात आल्याने पर्यावरणप्रेमींकडून संताप व्यक्त केला जात आहे. त्यामुळे ही पूर्ण वाढ झालेली झाडे मृत होण्याची शक्यता आहे. बोळिंज खारोडी येथील रस्त्यावरील अतिक्रमणामुळे पावसाच्या पाण्याचा निचरा होण्याचा मार्गही बंद झाला आहे. त्यामुळे पावसाचे पाणी हे मुख्य रस्त्यावर साचू लागले आहे. यासाठी संबंधित अतिक्रमण हटवून पाणी जाण्याचा मार्ग मोकळा करावा, अशी मागणीही येथील स्‍थानिकांनी केली आहे. त्याचप्रमाणे नागरिकांना ये-जा करण्यासाठी असलेल्या फूटपाथवर व मॅट्रिक स्कूलसाठी असलेला रस्त्यावरसुद्धा या सोसायटीने अतिक्रमण करून सिमेंट काँक्रीटचा कोबा केला आहे. त्यावर सोसायटीची वाहने उभी करून शाळेच्या स्कूलबस व रहिवाशांच्या मार्गात अडथळा निर्माण केला आहे. येथील रहिवाशांना व मॅट्रिक्स शाळेतील विद्यार्थ्यांना रस्त्यावरून ये-जा करावी लागत आहे. याबाबत स्‍थानिकांनी प्रभाग समिती ए च्या सहाय्यक आयुक्तांकडे तक्रार केली असून, अतिक्रमण तातडीने हटविण्यात यावे व संबंधित व्यक्ती तसेच सोसायटीवर गुन्हा दाखल करण्यात यावे, अशी मागणी केली आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com