मराठी चित्रपट निर्मात्यांसाठी विशेष सहाय्य व पुनरुज्जीवन योजना राबवावी

मराठी चित्रपट निर्मात्यांसाठी
विशेष सहाय्य व पुनरुज्जीवन योजना राबवा
सकाळ वृत्तसेवा
ठाणे, ता. २८ : कोविड कालखंडात आर्थिक अडचणीत सापडलेल्या मराठी चित्रपट निर्मात्यांसाठी विशेष सहाय्य व पुनरुज्जीवन योजना राबवण्याची मागणी अखिल भारतीय मराठी चित्रपट निर्माता महामंडळ अध्यक्ष देवेंद्र मोरे आणि अखिल भारतीय मराठी चित्रपट निर्माता महामंडळ ठाणे संचालक डॉ. सुहास राणे यांनी राज्याचे सांस्कृतिक कार्यमंत्री अ‍ॅड. आशीष शेलार यांच्याकडे निवेदनातून केली आहे. या वेळी २०१९ ते २०२२ या काळात कोविडमुळे संपूर्ण देशात अनेक व्यवसाय ठप्प झाले. या काळात चित्रपट निर्मिती पूर्णपणे थांबली होती. थिएटर बंद असल्याने वितरण ठप्प झाले होते. अनेक निर्मात्यांनी ने स्वतःची वैयक्तिक गुंतवणूक गमावली; परंतु त्यांना कोणतीही आर्थिक मदत मिळाली नाही. त्यामुळे ‘कोविड पुनरुज्जीवन निर्माते निधी योजना’ जाहीर करावी. तसेच ओटीटी/थिएटर प्रदर्शनासाठी विशेष अनुदान व सवलती देण्यात याव्यात. शासन व महामंडळ यांच्यात चर्चा बैठक नियमित आयोजित करावी, अशा विविध मागण्या अखिल भारतीय मराठी चित्रपट निर्माता महामंडळाकडून करण्यात आल्या आहेत.