अवैध खैर वाहतुकीचा प्रयत्न उधळला

बेकायदा खैर वाहतुकीचा प्रयत्न उधळला
कासा, ता. ३० (बातमीदार) : बेकायदा खैर लाकूड वाहतूक करणाऱ्या महिंद्रा बोलेरो पिकअप वाहनावर वनविभागाच्या कर्मचाऱ्यांनी गुरुवारी (ता. २९) मध्यरात्री कारवाई करीत मुद्देमालासह वाहन जप्त केले. वाहनावर लावण्यात आलेली नंबरप्लेटही बनावट असल्याचे उघडकीस आले आहे. या वाहनातून १५ हजार १८३ रुपये किमतीच्या २३ नग खैर लाकडाची वाहतूक केली जात होती. ही कारवाई डहाणू वनविभागाच्या कोटबी राखीव वनक्षेत्र क्रमांक ६३ मध्ये करण्यात आली. या प्रकरणात आरोपींविरोधात वन गुन्हा नोंदविण्यात आला असून पुढील चौकशी सुरू आहे.