कुशिवलीजवळ सापडले दोघांचे लटकलेले मृतदेह

कुशिवलीजवळ सापडले दोघांचे मृतदेह
उल्हासनगर, ता. ३० (वार्ताहर) : अंबरनाथ तालुक्यातील कुशिवली गावाजवळील शेतजमिनीच्या हद्दीत एका तरुण आणि तरुणीने एकाच वेळी गळफास घेऊन आत्महत्या केल्याचे समोर आले. उल्हासनगरच्या हिललाइन पोलिस ठाण्याच्या हद्दीत शुक्रवारी (ता. ३०) दोघांचे मृतदेह एकाच झाडाला लटकलेले आढळले. मृत तरुणाचे नाव विवेक पाटील तर तरुणीचे नाव मनीषा पाटील असून, दोघेही कल्याण पूर्वेतील चिंचपाडा परिसरात राहतात. दोघांच्या आत्महत्येमागचे नेमके कारण अद्याप स्पष्ट झालेले नाही. पोलिस याप्रकरणी सर्व बाजूंनी तपास करीत आहेत आणि मृतांच्या कुटुंबीयांचे जबाब नोंदवण्याचे काम सुरू आहे.