अहिल्याबाई होळकर यांचे महिला सशक्तीकरणाच्या विचारांची समाजातील नागरिकांनी आठवण केली पाहिजे !

पुण्यश्लोक अहिल्याबाई होळकर यांच्या जयंतीदिनी केडीएमसीतर्फे अभिवादन
कल्याण : पुण्यश्लोक अहिल्याबाई होळकर यांच्या जयंतीदिनी रविवारी (ता. १) कल्याण-डोंबिवली महापालिकेतर्फे त्यांच्या प्रतिमेस पुष्पहार अर्पण करून अभिवादन करण्यात आले. महापालिका मुख्यालयात महापालिका आयुक्त अभिनव गोयल यांनी पुण्यश्लोक अहिल्याबाई होळकर यांच्या प्रतिमेस पुष्पहार अर्पण करून अभिवादन केले. यासमयी माहिती व जनसंपर्क विभागाचे उपआयुक्त संजय जाधव, कार्यकारी अभियंता मनोज सांगळे, सहा. जनसंपर्क अधिकारी सुमीत बोयत, सहा. सुरक्षा अधिकारी सुरेश पवार, इतर कर्मचारी व अनेक समाजबांधव उपस्थित होते.

त्याचप्रमाणे अहिल्याबाई चौकातील अहिल्याबाई होळकर यांच्या पुतळ्यासही महापालिका आयुक्त अभिनव गोयल यांनी पुष्पहार अर्पण करून अभिवादन केले. अहिल्याबाई होळकर यांचे महिला सशक्तीकरणाच्या विचारांची समाजातील नागरिकांनी आठवण केली पाहिजे, असे प्रतिपादन अभिनव गोयल यांनी कल्याण-डोंबिवली शहर हिंदु खाटीक समाज संघटनेमार्फत आयोजित अहिल्याबाई होळकर यांच्या ३००व्या जयंतीदिनी कार्यक्रमात केले.