मुरबाडमध्ये दरवळतो चंदनाचा सुगंध !

मुरबाडमध्ये दरवळतोय चंदनाचा सुगंध
शेतकऱ्यांसाठी चंदन परिषदेचे आयोजन : अल्पदरात रोपे उपलब्ध
मुरबाड, ता. ३ (वार्ताहर)ः तालुक्यात चंदन परिषदाचे आयोजन करण्यात आले होते. याद्वारे अल्पदरात चंदन रोपे शेतकऱ्यांना उपलब्ध करण्यात आली. तालुक्यात सातत्याने या परिषदेच्या माध्यमातून हजारो चंदन वृक्षांची लागवड करण्यात येत आहे.
निसर्ग अभ्यासक योगेंद्र बांगर यांच्या माध्यमातून तालुक्यात पाच चंदन परिषदा घेण्यात आल्या. चंदन शेती ही अत्यंत उपयुक्त व फायदेशीर शेती असून, अहिल्यानगरचे चंदन उत्पादक महासंघाचे श्रीकांत गोरे यांचे मार्गदर्शन परिषदेतून शेतकऱ्यांना सातत्याने लाभते.
१२ वर्षांनंतर चंदनापासून उत्पन्न मिळते. तूर, जांभूळ, कडुलिंब यांच्या साथीने हे झाड वाढते. चंदनाचे खोड उपयुक्त असून, त्याला किमती भाव आहे. चंदनाबाबतीत समाजात अनेक गैरसमज असून, ते दूर करण्याचे काम चंदन परिषदांतून झाल्याची माहिती योगेंद्र बांगर यांनी दिली. लवकरच मुरबाडमध्ये भव्य चंदन परिषद होणार असून, शेतकऱ्यांनी ३२६०५८३८३ या नंबरवर संपर्क साधावा, असे आवाहन त्यांनी केले.

परिषदेच्या माध्यमातून मी चंदन वृक्षलागवड केली असून, मोठ्या प्रयत्नांनी चंदन झाडे आपल्या शेतात जतन केली आहेत याचा आनंद होत आहे.
- गजानन भोईर, माजी सरपंच, शेलारी
फोटो क्रमांक एकमध्ये माजी सरपंच गजानन भोईर