मुंबई - नाशिक महामार्गावर कारला अपघात
अपघात झाला, पण थांगपत्ताच नाही
महामार्ग पोलिसांची मदत न मिळाल्याने मृतदेह कारमध्येच कुजले
शहापूर, ता. ६ (वार्ताहर) : तालुक्यातील मुंबई-नाशिक महामार्गावर उंबरमाळी गावाजवळ अपघातग्रस्त कारमध्ये तीन मृतदेह कुजलेल्या अवस्थेत आढळून आले आहेत. साधारण पाच दिवसांपूर्वी हा अपघात झाला असावा, असा अंदाज कसारा पोलिस ठाण्याच्या अधिकाऱ्यांचा आहे; परंतु तब्बल चार दिवस उलटूनही कुणालाच याचा थांगपत्ता नव्हता. तसेच, कारमधील अपघातग्रस्तांना गस्तीवरील महामार्ग वाहतूक पोलिसांची मदत कशी मिळाली नाही, असा प्रश्न उपस्थित झाला आहे.
गुरे चारण्यासाठी गेलेल्या महिलेला मुंबईहून नाशिककडे जाणाऱ्या दिशेला ही झुडुपांतील कार दिसली आणि तिने कारमध्ये डोकावून पाहिले असता तिला त्यामध्ये तिघांचे कुजलेल्या अवस्थेतील मृतदेह आढळले व तीव्र दुर्गंधी येत असल्याने या महिलेने गावकऱ्यांना कळविले. गावकऱ्यांनी ही माहिती कसारा पोलिस ठाण्यास दिली. पोलिस निरीक्षक सुरेश गावित व उपनिरीक्षक सागर जाधव यांच्या पथकाने कारमधील तिघांचेही मृतदेह व अपघातग्रस्त कार क्रेनच्या साहाय्याने बाहेर काढून पुढील तपासासाठी मृतदेह कसारा प्राथमिक आरोग्य केंद्रात पाठविण्यात आले आहेत.
अपघातग्रस्त कार अंधेरीच्या खार भागातील
या अपघातग्रस्त गाडीची माहिती घेतली असता ही कार मुंबईतील अंधेरीच्या खार भागातील असल्याचे स्पष्ट झाले. तसेच, अधिक तपास केला असता या कारमध्ये यज्ञेश वाघेला याच्यासह अन्य दोघांचे मृतदेह मिळून आले आहेत. तिघेही २५ ते ३० वयोगटातील आहेत. अपघातावेळी कार महामार्गालगतच्या दाट झुडुपांत शिरली व कारमधील तिघांचाही मृत्यू झाल्याचा अंदाज आहे; मात्र अपघातग्रस्तांना वाहतूक पोलिसांची वेळीच मदत मिळाली नसल्याचे स्पष्ट होत असून अपघात घटनेच्या तब्बल चार ते पाच दिवसांनी उघडकीस आला. त्यामुळे मृतदेह कुजलेल्या अवस्थेत पोलिसांनी ताब्यात घेतले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.