बनावट विदेशी मद्यसाठा जप्त

भिवंडी, ता. ७ (बातमीदार) : खुल्या बाजारात बनावट विदेशी मद्य विकणाऱ्या दोघांना राज्य उत्पादन शुल्कच्या भिवंडी विभागाने अटक केली आहे. सोनाळे-भादवड रोड येथे शोध पथकाने ही कारवाई केली होती.
भिवंडीच्या ग्रामीण भागात बनवलेले भेसळयुक्त बनावट विदेशी मद्य खुल्या बाजारात विकले जात असल्याची खबर भिवंडी गुन्हे शाखेच्या पथकाला मिळाली होती. या माहितीच्या आधारे पोलिसांनी एका दुचाकीची झडती घेतली. त्यामध्ये भेसळयुक्त बनावट विदेशी मद्याचे आठ बॉक्स आढळून आले. या पथकाने वाहनासह मद्याचा २,०६,४६८ रुपयांचा साठा जप्त करताना वाहनचालक निरंजन मलिकला ताब्यात घेतले आहे. या वेळी पोलिसांना चौकशीत त्याचा साथीदार शुभम जैस्वाल हादेखील बनावट विदेशी मद्य विक्रीसाठी सहकार्य करीत असल्याची माहिती मिळाली होती. त्यानुसार दोघांना मुद्देमालासह ताब्यात घेऊन भिवंडी न्यायालयात हजर करण्यात आले होते.