वडवलीत विकसित कृषी संकल्प अभियान

मुरबाड (वार्ताहर)ः कृषी तंत्रज्ञान व्यवस्थापन आत्मा ठाणे व कृषी विज्ञान केंद्र नागाव यांच्या संयुक्त विद्यमाने शनिवारी (ता. ७) विकसित कृषी संकल्प अभियान कार्यक्रम मौजे वडवली, तालुका मुरबाड येथे झाला. कार्यक्रमासाठी डॉ. एस. के. शुक्ला डायरेक्टर मुंबई तसेच एस. के. रॉय डायरेक्टर अटारी पुणे हे विशेषकरून उपस्थित होते. या कार्यक्रमासाठी प्रकल्प उपसंचालक मनाली तांबडे तसेच कृषी विज्ञान केंद्र नागावचे प्रमुख डॉ. सुरेश जगदाळे व इतर शास्त्रज्ञ उपस्थित होते. कार्यक्रम खरीप हंगामाबरोबर रब्बी हंगामातही राबवण्यात येईल, असे मत डॉ. एस. के. शुक्ला यांनी व्यक्त केले. तसेच, या अभियानामुळे शेतकऱ्यांच्या अडीअडचणी सोडवण्यासाठी मदत होऊ शकेल, असे अभिप्राय मांडले. प्रकल्प उपसंचालक तांबडे यांनी तालुक्यात राबविण्यात येणाऱ्या राष्ट्रीय नैसर्गिक शेती अभियान एनएमएनएफ व इतर सेंद्रिय शेतीच्या योजनांचे महत्त्व पटवून दिले.