राज्यस्तरीय अजिंक्यपद कबड्डी स्पर्धेसाठी सारा येवलेची निवड

राज्यस्तरीय अजिंक्यपद कबड्डी स्पर्धेसाठी सारा येवलेची निवड
घाटकोपर, ता. १० (बातमीदार) ः श्री छत्रपती शिवाजी महाराज संकुल, बालेवाडी, पुणे येथे १४ ते १८ जून या कालावधीत १८ वर्षांखालील मुला-मुलींची राज्यस्तरीय अजिंक्यपद कबड्डी स्पर्धा होणार आहे.
मुंबई उपनगर कबड्डी असोसिएशनच्या वतीने मुंबई उपनगर पूर्व विभागातून घाटकोपर, भटवाडी येथील सारा संदीप येवले हिची या स्पर्धेसाठी निवड करण्यात आली आहे. प्रशिक्षक अमित ताम्हाणेकर, संदीप येवले यांचे साराला मार्गदर्शन मिळत आहे. सरस्वती विद्यामंदिर शाळेच्या संचालिका दीपाली पवार, झुनझुनवाला कॉलेजचे उपप्राचार्य यतिन राणे, पुणे विद्याभवन घाटकोपर शाळेचे मुख्याध्यापक पाटील, तायक्वांदो असोसिएशन ऑफ महाराष्ट्राचे अध्यक्ष अविनाश बारगजे, महासचिव मिलिंद पठारे, सचिव सुभाष पाटील, खजिनदार व्यंकटेश कररा, स्वराज्य स्पोर्ट्स क्लब, सरस्वती स्पोर्ट्स अकॅडमी, सरस्वती स्पोर्ट्स क्लब आणि वॉरियर तायक्वांदो अकॅडमी यांच्या वतीने सारा हिचे अभिनंदन करण्यात आले.