चाळीतील खोलीतून ५० हजारांची चोरी

भिवंडी (वार्ताहर)ः शहरातील गुलझारनगर येथील एका चाळीतील खोलीतून ५० हजारांची रोख रक्कम चोरी केल्याची घटना घडली. याप्रकरणी शांतिनगर पोलिस ठाण्यात चोरट्याविरोधात गुन्हा दाखल करण्यात आला. गुलझारनगर येथील चाळीत मोहम्मद गुलशन मुकीमुद्दिन अन्सारी यांच्या घरातील मंगळवारी (ता. १०) सायंकाळी साडेपाच ते सहाच्या दरम्यान खोलीत शिरून खोलीत ठेवलेली ५० हजारांची जमा रोख रक्कम चोरी केली आहे. मोहम्मद गुलशन अन्सारी यांनी दिलेल्या तक्रारीवरून शांतिनगर पोलिस ठाण्यात अज्ञात चोरट्याविरोधात गुन्हा दाखल करण्यात आला आहे.