संतोष पवार यांची अध्यक्षपदी निवड

मुरबाड (बातमीदार)ः तालुका शेतकरी सहकारी संघाच्या संचालक मंडळाचा २०२१ मध्ये कालावधी संपला आहे. तेव्हापासून प्रशासकाची संस्थेवर नेमणूक करण्यात आली होती. सहाय्यक निबंधक सहकारी संस्था मुरबाड यांनी १० जून रोजी आदेश काढून नवीन प्रशासक मंडळ नेमले आहे. प्रशासकीय मंडळाच्या अध्यक्षपदी संतोष पवार यांची नेमणूक करण्यात आली आहे, तर सदस्यपदी योगेश भोईर, मिलिंद मडके, संतोष भांगरथ, अनंत शिंगोळे, श्रीमती हर्षला भोईर, रमाकांत सासे, चंद्रकांत बोस्टे, संतोष दळवी, नामदेव कंटे यांची नेमणूक करण्यात आली आहे. या निवडीमुळे मुरबाड तालुका शेतकरी सहकारी संघाच्या संचालक मंडळावर भाजपचे वर्चस्व निर्माण करण्यात आमदार कथोरे यांना यश आले आहे.