कामवारी नदी पात्रात अतिक्रमण

भिवंडी, ता. ११ (वार्ताहर)ः शेलार गावाच्या हद्दीत कामवारी परिसरात शासकीय जागेवर पत्रे अतिक्रमण करण्यात आले आहे. स्थानिक ग्रामपंचायत प्रशासन याकडे दुर्लक्ष करीत असल्याची तक्रार ग्रामस्थ मोनिश गायकवाड यांनी केली आहे.
कामवारी नदीपात्रात मोठ्या प्रमाणावर अतिक्रमणे, दूषित पाणी सोडण्याच्या तक्रारी आहेत. अशातच काही वर्षांपूर्वी दुर्घटनाग्रस्त झालेल्या सार्वजनिक शौचालय परिसरात अतिक्रमण सुरू आहे. त्यामुळे पालिकेने या प्रकरणात कारवाई करावी, अशी मागणी मोनिश गायकवाड यांनी केली आहे. तर पालिका प्रशासनाने कोणते बांधकाम सुरू असेल तर तत्काळ माहिती घेऊन अतिक्रमण हटविण्यात येईल, अशी माहिती शेलार ग्रामपंचायतीचे प्रशासक सुधाकर सोनवणे यांनी दिली आहे.