तुळशी वृंदावनमध्ये वडाचे रोप लावून वटपौर्णिमा साजरी

तुळशी वृंदावनमध्ये वडाचे रोप लावून वटपौर्णिमा साजरी
कांदिवली, ता. ११ (बातमीदार) ः कांदिवली पश्चिमेला म्हाडा वसाहतीतील परिवर्तन सहकारी गृहनिर्माण संस्थेत आगळ्या-वेगळ्या पद्धतीने वटपौर्णिमा साजरी केली. महिलांनी तुळशी वृंदावनात वडाचे रोप लावून मनोभावे पूजा केली. वडाचे रोप थोडे वाढले की, मोकळ्या जागेत लावणार असे सुषमा नानरकर यांनी सांगितले. कांदिवली महावीर नगर, एकता नगर म्हाडा वसाहतीमधील परिवर्तन संस्थेच्या महिलांनी वटपौर्णिमेनिमित्त हा उपक्रम राबवला. रेश्मा धुरी, अशा मोहिते, विद्या कांबळी, सुनिता चासकर, मीनाक्षी मालकर, सुषमा नानरकर, मालती पाटील, सुधा रावराणे आदी महिलांनी यात सहभाग घेतला.