बावनचाळ परिसरात भुयारी गटार तुंबले

बावनचाळ परिसरात भुयारी गटार तुंबले

Published on

बावन चाळ परिसरात भुयारी गटार तुंबले
दुर्गंधी पसरल्याने नागरिक त्रस्त
सकाळ वृत्तसेवा
डोंबिवली, ता. ११ : पश्चिमेतील बावन चाळ परिसर अस्वच्छ झाला आहे. रेल्वे मैदानाजवळील डोंबिवली वाहतूक शाखेच्या उपविभागीय कार्यालयासमोरील सिमेंट काँक्रीट रस्त्यावर सोमवारी (ता. ९) संध्याकाळपासून भुयारी गटारातील मलनिस्सारणाचे पाणी वाहू लागले आहे. त्यामुळे परिसरात तीव्र दुर्गंधी पसरली असून नागरिक आणि पादचाऱ्यांना मोठ्या त्रासाला सामोरे जावे लागत आहे.

बावन चाळ मैदानाच्या बाजूलाच असलेल्या एका बारसमोर भुयारी गटारातून सांडपाणी रस्त्यावर वाहत आहे. रस्त्यावरून जाणाऱ्या वाहनांमुळे सांडपाणी उडून थेट पादचाऱ्यांच्या अंगावर येत आहे. झाकण असलेल्या गटाराजवळ रस्त्याला उतार असल्याने हे पाणी रेल्वे मैदान आणि परिसरात पसरत आहे. या भागात काही महिन्यांपूर्वी जलवाहिनीच्या कामासाठी खोदकाम केले होते. ते काम तब्बल दोन महिने रखडल्यामुळे आधीच नागरिक त्रस्त होते. त्यानंतर आता गटार तुंबल्यामुळे नवीन समस्या निर्माण झाली आहे. या भागातील काही इमारतींच्या मलनिस्सारण वाहिन्या या भुयारी गटाराला जोडण्यात आल्या आहेत. या वाहिन्यांमध्ये कचरा अडकलेला असावा किंवा गाळ साचलेला असावा, अशी शक्यता स्थानिक रहिवाशांनी व्यक्त केली आहे.

गणेशनगर, कुंभारखाण पाडा, देवीचा पाडा आणि खाडीकिनारी भागातील रहिवासी या दुर्गंधीयुक्त पाण्यातून वाट काढत आहेत. त्यामुळे त्यांचे आरोग्य धोक्यात आले आहे. अखेर सकाळी या समस्येची दखल घेत ह प्रभागाचे सहाय्यक आयुक्त राजेश सावंत यांनी सफाईसाठी कामगार पाठवले. परंतु स्थानिकांच्या मते, कामगार केवळ उपस्थिती लावून परत जात आहेत. प्रत्यक्षात कोणतीही सुधारणा झालेली नाही. त्यामुळे नागरिकांमधून संताप व्यक्त होत आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com