रिक्षाचालकांना भेडसावणाऱ्या समस्या सोडविणार!

वसई, ता. १२ (बातमीदार) : नालासोपारा पश्चिमेकडील समेळपाडा येथील रिक्षाचालकांना भेडसावणाऱ्या समस्या सोडविण्यासाठी वाहतूक विभाग, महापालिका प्रशासनाने मागणी केली जाईल. रोज प्रवाशांना सुविधा देणाऱ्या रिक्षाचालकांना दिलासा देण्यात येईल, असे आश्वासन शिवसेना महिला शहरप्रमुख रुचिता नाईक यांनी दिले. यासाठी नाईक यांनी रिक्षाचालक व मालकांची भेट घेतली.

रिक्षाचालकांच्या समस्या व शहरात मोक्याच्या ठिकाणी नवीन रिक्षा स्टॅण्डकरिता पोलिस आणि नगरपालिकेकडून जागा मंजूर करणे, प्रवासी व रिक्षा यांच्या समस्यांबाबत लक्ष घातले. या वेळी शिवसेना महिला शहरप्रमुख रुचिता नाईक यांनी रिक्षाचालकांनी एकत्रित बैठक घेत चर्चा केली. याप्रसंगी विभागप्रमुख नीलेश शिंदे, शाखाप्रमुख संतोष कांबळे व स्थानिक रिक्षाचालक- मालक उपस्थित होते. रिक्षाचालक हे रोज प्रवाशांना सुविधा उपलब्ध करून देत असतात; मात्र यादरम्यान त्यांना विविध समस्यांना सामोरे जावे लागते. त्याबाबत त्यांच्याशी चर्चा केली आहे. लवकरच यावर तोडगा काढण्यासाठी प्रयत्न केला जाईल, असे रुचिता नाईक यांनी सांगितले.