यंदा पालिकेच्या पाच शाळा सेमी इंग्लिश
कल्याण, ता. १२ : पालक, विद्यार्थ्यांचा इंग्रजी माध्यमाकडे कल असतो. त्यामुळे या पालक व विद्यार्थ्यांना पालिका शाळांकडे आकर्षित करण्याच्या उद्देशाने महापालिकेने पाच शाळा सेमी इंग्लिश करण्याचा निर्णय घेतला आहे. मांडा-टिटवाळा, कल्याणमधील दोन आणि डोंबिवलीमधील दोन शाळा अशा पाच शाळा पहिला टप्प्यात सेमी इंग्लिश करण्यात येणार आहेत. उर्वरित शाळादेखील टप्प्याटप्प्याने सेमी इंग्लिश करण्याचे प्रयत्न सुरू असल्याचे आयुक्त अभिनव गोयल यांनी सांगितले.
कल्याण-डोंबिवली महापालिकेच्या ५८ शाळांमधील पटसंख्या वाढवण्यासाठी शिक्षण विभागाकडून प्रयत्न सुरू झाले आहेत. शाळांच्या वर्गखोल्यांचे नूतनीकरण, रंगरंगोटी आणि विद्यार्थ्यांसाठी योग्य शैक्षणिक वातावरण निर्माण करण्यावर भर दिला जात आहे. शाळांमध्ये नवीन बेंच बसवले असून, पहिल्या दिवसांपासून विद्यार्थ्यांना पुस्तके, वह्या आणि गणवेश उपलब्ध करून देण्यात येणार आहे, तर उर्वरित शैक्षणिक साहित्य बँक खात्यात दिल्या जाणाऱ्या सहाय्याद्वारे मिळणार असल्याचे आयुक्त गोयल यांनी सांगितले.
पालिकेच्या शाळांमध्ये दिल्या जाणाऱ्या सोयीसुविधांवर लक्ष ठेवण्यासाठी पालक अधिकारी ही संकल्पनादेखील राबविण्यात येणार आहे. या संकल्पनेअंतर्गत महापालिकेचा एक अधिकारी एका शाळेसाठी नियुक्त करण्यात येणार आहे. गेल्या काही वर्षांत पालकांसह विद्यार्थ्यांचादेखील इंग्रजी माध्यमाकडे कल वाढत आहे. या पार्श्वभूमीवर कल्याण-डोंबिवली महापालिकेकडून महापालिकेच्या शाळा सेमी इंग्लिश माध्यमाच्या करण्याचा निर्णय घेण्यात आला असून, पहिल्या टप्प्यात मांडा टिटवाळा, कल्याणातील दोन आणि डोंबिवलीतील दोन अशा पाच शाळा पहिल्या टप्प्यात निवडल्या असून, टुप्प्याटप्प्याने पालिकेच्या सर्व शाळा सेमी इंग्रजी माध्यमाच्या करण्याचा प्रयत्न असल्याचे आयुक्त अभिनव गोयल यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.