हरवलेल्या आदर्शचा काही तासांत सुखरूप शोध!

हरवलेल्या आदर्शचा काही तासांत सुखरूप शोध!

Published on

कासा, ता. १४ (बातमीदार) : डहाणूतील लोणीपाडा येथून हरवलेल्या सात वर्षांच्या मुलाचा डहाणू पोलिसांनी केवळ तीन तासांत थांगपत्ता लावून सुखरूप शोध घेतला.

प्राथमिक माहितीनुसार लोणीपाडा येथील आदर्श विनोदकुमार सिसोदिया हा आपल्या घरासमोर गुरुवारी (ता. १२) सायंकाळी खेळत असताना बाजूलाच असलेल्या डहाणू रेल्वे स्थानकावर गेला आणि तेथे उभ्या असलेल्या रेल्वेमध्ये चुकून चढला. गाडी सुरू झाल्यानंतर आदर्श थेट विरार स्थानकापर्यंत पोहोचला आणि तिथे उतरला. त्याच्या घरच्यांनी शोध घेतला असता, तो न सापडल्याने डहाणू पोलिस ठाण्यात आदर्शच्या हरवल्याची नोंद करण्यात आली.

दरम्यान, डहाणू पोलिस ठाण्यामार्फत तत्काळ शोध पथके तैनात करण्यात आली. पोलिसांच्या कार्यक्षम समन्वयामुळे विरार पोलिसांना आदर्शबाबत माहिती मिळाली आणि त्यांनी त्याला बालकल्याण समिती, पालघर यांच्या स्वाधीन केले. बालकल्याण समितीच्या आदेशानुसार आदर्शला तात्पुरते गिरी वनवासी प्रगती मंडळ, नरेशवाडी (धुंदलवाडी, डहाणू) येथील बालगृहात ठेवण्यात आले. बालगृहाच्या अधीक्षिका वळवी यांनी बालक तेथे असल्याची खात्री पोलिसांना दिली. त्यानंतर मुलाच्या पालकांना संपर्क करून माहिती देण्यात आली. डहाणू पोलिस ठाण्यात शुक्रवारी (ता. १३) बालकाला पालकांच्या स्वाधीन करण्यात आले.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com