खारघरमध्ये महेश नवमी साजरी

खारघर, ता. १७ (बातमीदार) : माहेश्वरी प्रगती मंडळाच्या वतीने खारघरमध्ये महेश नवमी उत्सव साजरा करण्यात आला. या वेळी २०२५-२८ या कार्यकालासाठी नवीन कार्यकारिणीची घोषणा करण्यात आली.
ठाणे जिल्ह्यातील विविध भागांत माहेश्वरी प्रगती मंडळाच्या माध्यमातून विविध सामाजिक उपक्रम राबविले जात आहेत. खारघरमध्ये पार पडलेल्या महेश नवमी उत्सवाच्या वेळी महेश पूजन आणि आरती करण्यात आली. या वेळी लहान मुलांनी, तसेच समाजातील सदस्यांनी सांस्कृतिक कार्यक्रम सादर केला. मनोहर मुंदडा आणि सचिव जयजी डागा यांनी गेल्या तीन वर्षांत मंडळात केलेल्या कामाचा अहवाल सादर केला. महिला मंडळाच्या अध्यक्षा शशीजी साबू यांनी कार्यकारिणीच्या कार्याचा आढावा दिला. मंडळाचे माजी अध्यक्ष राकेश सोमानी यांनी खारघर माहेश्वरी महिला मंडळ आणि खारघर माहेश्वरी प्रगती मंडळाच्या २०२५-२८ कार्यकालासाठी नवीन कार्यकारिणीची घोषणा केली. महिला मंडळाच्या अध्यक्षपदी जया सिकची, उपाध्यक्ष साधना गुप्ता, सचिव दर्शना कोठारी, कोषाध्यक्ष नीलू बजाज आणि संघटन मंत्रिपदी योजना डागा यांची; तर खारघर माहेश्वरी प्रगती मंडळाच्या अध्यक्षपदी रामजी दाड, उपाध्यक्ष गौरीशंकर माहेश्वरी, सचिव सचिनजी मुंदडा यांची; तर कोषाध्यक्ष अमितजी भांगडे, सचिन साबू आणि संघटनमंत्री म्हणून सोमन मालानी यांची निवड करण्यात आली.