सानपाड्यात कृत्रिम तलाव बांधण्याची मागणी

सानपाड्यात कृत्रिम तलाव बांधण्याची मागणी

Published on

नेरूळ, ता. १८ (बातमीदार) : सानपाडा रेल्वे अंडरपासजवळील मोकळ्या भूखंडावर गणेशमूर्ती विसर्जनासाठी कृत्रिम तलाव उभारण्यात यावा, अशी मागणी सानपाडा ग्रामस्थांनी नवी मुंबई महापालिकेकडे केली आहे. या संदर्भातील निवेदन माजी नगरसेवक सोमनाथ वासकर यांनी आयुक्तांना दिले आहे.
पुढील दोन-तीन महिन्यांत गणेशोत्सव, नवरात्रोत्सव येऊन ठेपला आहे. उच्च न्यायालयाने पीओपी मूर्ती नैसर्गिक जलस्त्रोतात विसर्जित करण्याबाबत मार्गदर्शन सूची जाहीर केली आहे. पीओपी मूर्ती विसर्जनासाठी कृत्रिम तलावांची उभारणी मोठ्या प्रमाणात करावी लागणार आहे. ठाणे, बेलापूर, वाशी लोहमार्ग, तसेच पनवेल-सीएसएमटी रेल्वे मार्गावरील सानपाडा सेक्टर पाच येथील रेल्वे अंडरपासजवळील मोकळ्या भूखंडावर कृत्रिम तलाव उभारणीची मागणी सातत्याने सानपाडा ग्रामस्थ करत आहेत. तसा ठराव महापालिकेच्या सर्वसाधारण सभेत मंजूरही झाला आहे. तसेच नवी मुंबई विकास आराखडा सादर करताना प्रशासनाने हा भूखंड तलाव व उद्यान मैदान यासाठी आरक्षित केला आहे. तत्कालीन आयुक्त राजेश नार्वेकर यांनी हा भूखंड महापालिकेकडे हस्तांतरित करण्यात यावा, असे पत्र सिडकोला दिले होते. अद्याप यावर कार्यवाही झाली नाही. या ठिकाणी पोकलेन लावून कृत्रिम तलाव उभारणी केली तर रहिवाशांना मूर्ती विसर्जनासाठी सुविधा उपलब्ध होईल. जर प्रशासनास हे शक्य नसेल तर आम्ही भूखंडावर कृत्रिम तलाव तयार करू त्यासाठी प्रशासनाने परवानगी द्यावी, असेही सोमनाथ वासकर यांनी निवेदनात म्हटले आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com