मिलिंद खळदकर यांना पॉवरलिफ्टिंग स्पर्धेत सुवर्णपदक

मिलिंद खळदकर यांना पॉवरलिफ्टिंग स्पर्धेत सुवर्णपदक
कल्याण (वार्ताहर) : पालघर येथे महाराष्ट्र राज्य पॉवरलिफ्टिंग असोसिएशन यांनी ५१व्या महाराष्ट्र राज्य पॉवरलिफ्टिंग स्पर्धेचे आयोजन केले होते. या स्पर्धेत पालघर, ठाणे, पुणे, मुंबई, मुंबई शहर, मुंबई उपनगर, नवी मुंबई, नाशिक, रायगड, सिंधुदुर्ग, रत्नागिरी, सातारा, सांगली, कोल्हापूर, छत्रपती संभाजीनगर, जालना, बीड, अहिल्यानगर आदी १६ जिल्ह्यांतील एकूण २८८ स्पर्धकांनी सहभाग घेतला होता. यापैकी ठाणे जिल्ह्यातील कल्याणच्या बालक मंदिर संस्थेच्या कॅप्टन रवींद्र माधव ओक हायस्कूल शाळेतील शिक्षक मिलिंद खळदकर यांनी मास्टर टू (५९) किलो गटात सुवर्णपदक प्राप्त केले. खळदकर यांची २ ते ७ ऑगस्ट रोजी केरळ (कोझिकोडे) येथे होणाऱ्या राष्ट्रीय स्पर्धेसाठी महाराष्ट्राच्या संघात निवड झाली आहे. यासाठी राष्ट्रीय पंच व प्रशिक्षक विनायक कारभारी यांनी मार्गदर्शन केले.