आक्षेपार्ह व्हिडिओ प्रसारीत करणाऱ्यावर गुन्हा
नवी मुंबई, ता. १९ (वार्ताहर) : डॉ. बाबासाहेब आंबेडकर यांचे ॲनिमेटेड व्हिडिओ तयार करून ते आक्षेपार्ह व्हिडिओ इन्स्टाग्रामवर प्रसारित करणाऱ्या व्यक्तीविरोधात एपीएमसी पोलिसांनी गुन्हा दाखल केला आहे. हा व्हिडिओ वाशीतील कोपरी गावात राहणाऱ्या तरुणाच्या निदर्शनास आल्यानंतर त्याने एपीएमसी पोलिस ठाण्यात तक्रार दाखल केली.
गुन्हा दाखल करण्यात आलेल्या राजपूत नावाच्या व्यक्तीने काही दिवसांपूर्वी त्याच्या इन्स्टाग्रामवर समाजामध्ये द्वेष पसरविण्याच्या उद्देशाने डॉ. बाबासाहेब आंबेडकर यांचे ॲनिमेटेड केलेले २६ आक्षेपार्ह व्हिडिओ प्रसारित केले. हे व्हिडिओ व्हायरल झाल्यानंतर ते वाशीतील कोपरी गावात राहणाऱ्या अमित चौथमोल याच्या निदर्शनास आले. हे व्हिडिओ डॉ. आंबेडकरांचे अनादर करणारे व त्यांची बदनामी करणारे असल्याचे लक्षात आल्यानंतर अमितने ॲड. स्वप्नील जगताप यांच्यासह एपीएमसी पोलिस ठाण्यात तक्रार दाखल केली. पोलिसांनी या प्रकाराची गंभीर दखल घेऊन डॉ. आंबेडकर यांचे आक्षेपार्ह व्हिडिओ प्रसारित करणाऱ्या राजपूत नावाच्या व्यक्तीविरोधात ॲट्रॉसिटी कायद्यानुसार गुन्हा दाखल करून त्याचा शोध सुरू केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.