पुलावरून फेकलेल्या मुलाला जीवदान
ठाणे जिल्हा रुग्णालयात पायांवर यशस्वी शस्त्रक्रिया
ठाणे शहर, ता. १९ (बातमीदार)ः एका आजीकडे जेवण करून दुसऱ्या आजीकडे पायी निघालेल्या १४ वर्षीय मुलाला पुलावरून खाली फेकून जीवे मारण्याचा प्रयत्न झाला होता. या मुलाच्या दोन्ही पायांवर ठाणे जिल्हा रुग्णालयात शस्त्रक्रिया करण्यात आली आहे. जखमी झालेल्या मुलाचे नाव कृष्णा मुकणे असे असून तो खर्डी येथील दलखन गावात राहतो.
खर्डी गावालगतच्या दलखन गावात राहणारा कृष्णा मुकणे (१४) हा मंगळवारी (ता. ३) रात्री आजीकडे जेवण करून घरी चालला होता. दोलखन पुलावर चालत असताना पाठीमागून आलेल्या दोघा अनोळखी व्यक्तींनी त्याला काष्टी पुलावरून खाली रस्त्यावर फेकले होते. या पुलाच्या खालून समृद्धी मार्ग असल्याने नेहमी वाहनांची वाहतूक असते; पण रस्त्याच्या मध्यभागी पडलेला कृष्णा रस्त्यावर गस्त घालणाऱ्या कामगारांना दिसल्याने बचावला होता. या घटनेत कृष्णाच्या दोन्ही पायांना गंभीर दुखापत झाली होती. जिल्हा रुग्णालयात त्याच्या पायावर तीन वेळा शस्त्रक्रिया करण्यात आली असून अस्थितज्ज्ञ डॉ. विलास साळवे, डॉ. अजित भुसागरे, डॉ. मयूर नागरगोजे, डॉ. दीपेश पाटील, भूलतज्ज्ञ डॉ. रूपाली यादव यांच्या प्रयत्नातून जीवदान मिळाले आहे.
----------------------------------
मद्यपान केलेल्या दोघांनी कृष्णाला पुलावरून खाली फेकले. पुलाखाली असलेल्या काही कामगारांनी त्याला रस्त्याच्या बाजूला केले. त्यामुळे पोलिसांनी या घटनेचा तपास करून आरोपीला अटक करावे.
- पुष्पा मुकणे, कृष्णाची आई
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.