शिक्षक, विद्यार्थ्यांनी केली योगासने

शिक्षक, विद्यार्थ्यांनी केली योगासने
मुंबई, ता. २१ ः मिनिस्ट्री ऑफ युथ अफेअर्स यांच्याद्वारे आयोजित योगा संगम कार्यक्रमांतर्गत आज (ता. २१) सकाळी आठ वाजता जागतिक योगदिनानिमित्त कांदिवली पूर्वेतील झगडू सिंग चॅरिटेबल ट्रस्टच्या ठाकूर शाम नारायण पदवी महाविद्यालयामध्ये योगदिनाचे आयोजन करण्यात आले होते. महाविद्यालयाचे प्राचार्य डॉ. जी. डी. गिरी यांच्या हस्ते दीपप्रज्वलन झाले. योग प्रशिक्षक प्रज्ञा तटकरे, ऋषिकेश योग निवारण संस्था आणि करण पाटील प्रेमानंद योग संस्था यांचे स्वागत करून कार्यक्रमास सुरुवात करण्यात आली. शिक्षक, विद्यार्थ्यांनी या वेळी विविध योगासने सादर केली. प्राचार्य डॉक्टर जी. डी. गिरी यांनी योगाचे दैनंदिन जीवनातील महत्त्व, जीवनशैलीवर होणारे फायदे याबद्दल मार्गदर्शन केले. कार्यक्रमाचे नियोजन क्रीडा विभागाचे अध्यक्ष प्रा. तृषांत रमेश वाडकर, क्रीडा विभागाचे संचालक प्रदीप मैलागीर, डीएलएलई विभागाचे अधिकारी, प्राध्यापक शना शेख, एनएसएस विभागाचे अधिकारी, प्राध्यापक कुणाल ठाकूर यांनी केले होते. हा कार्यक्रम संस्थेचे मुख्य कार्यकारी अधिकारी राजेश सिंग यांच्या मार्गदर्शनाखाली पार पडला.