हृदयविकारावर मार्गदर्शन

हृदयविकारावर मार्गदर्शन
मुलुंड, ता. २२ (बातमीदार) ः तुम्ही ट्रेन, बस, विमानाने प्रवास करीत असाल, रस्त्यावर, घरी किंवा कामाच्या ठिकाणी असाल केव्हाही हृदयविकाराचा झटका येऊ शकतो. अशावेळी काय करावे किंवा काय करू नये, याबाबत मार्गदर्शन करण्यासाठी मुलुंडमधील सुमती सामाजिक संस्था आणि फोर्टिस रुग्‍णालयाच्या संयुक्त विद्यमाने ‘हृदयविकाराचा झटका आणीबाणी’ या विषयावर एका मार्गदर्शन शिबिराचे आयोजन केले आहे. या शिबिरामध्ये नामांकित डॉक्टरांकडून हृदयविकाराच्या आपत्कालीन परिस्थितीत कसे आणि काय करावे, याचे प्रात्यक्षिक उपस्थितांना पाहायला मिळणार आहे. हे शिबिर शनिवारी (ता. २८) दुपारी दोन ते चार या कालावधीत फोर्टिस रुग्‍णालय, नालंदा हॉल, पहिला मजला, मुलुंड (पश्चिम) येथे होणार आहे. शिबिरात सहभागी होण्यासाठी नावनोंदणी आवश्यक आहे.