महाराष्ट्र अंनिसच्या ठाणे शहर कार्याध्यक्षपदी

अंनिसच्या कार्याध्यक्षपदी अनिल ठाणेकर
ठाणे (बातमीदार) ः महाराष्ट्र अंधश्रद्धा निर्मूलन समितीची ठाणे शहर संपर्क शाखा स्थापन करण्यात आली आहे. या शाखेत ज्येष्ठ पत्रकार अनिल ठाणेकर यांची कार्याध्यक्षपदी तर टीजेएसबी बँकेचे निवृत्त अधिकारी अशोक मोहिते यांची प्रधान सचिवपदी निवड करण्यात आली आहे. या वेळी अंनिसचे संस्थापक सदस्य प्राचार्य मच्छिंद्रनाथ मुंडे, ठाणे जिल्हा कार्याध्यक्ष डॉ. सुषमा बसवंत, नामदेव म्हात्रे, डॉ. शशिकांत शिंदे, सारिका माने तसेच विविध मान्यवर उपस्थित होते. बैठकीत अंनिसची कार्यपद्धती, पंचसूत्री आणि अंधश्रद्धा निर्मूलनाच्या दिशेने काम करण्याचे स्पष्ट करण्यात आले. अनिल ठाणेकर यांनी आगामी तीन महिन्यांत ठाण्यात अंनिसचं कार्य अधिक व्यापक आणि उपक्रमशील करण्याचं आश्वासन दिलं. बैठकीत शासकीय निधीबाबत विचारलेल्या प्रश्नावर प्राचार्य मुंडे यांनी अंनिसचे कार्यक्रम लोकसहभागातूनच राबवण्यावर भर असल्याचे स्पष्ट केले. ठाणे शहर शाखेच्या स्थापनेसह नव्या पदाधिकाऱ्यांची अधिकृत घोषणा या वेळी करण्यात आली.