संतोष सुरोशी जिल्हा संघटकपदी

मुरबाड (वार्ताहर)ः मुरबाड-कल्याण राष्ट्रीय महामार्गावरील रायते गावचे माजी सरपंच संतोष नामदेव सुरोशी यांची ठाकरे गटाच्या जिल्हा संघटक पदी नियुक्ती करण्यात आली आहे. संतोष सुरोशी यांनी युवा सेना तालुकाप्रमुख, संपर्क संघटक कल्याण तालुका, युवा सेना जिल्हा समन्वयक अशी विविध पदे भूषविली आहेत. सध्या त्यांच्या धर्मपत्नी समिता सुरोशी ग्रुप ग्रामपंचायत रायते पिंपळोलीच्या सरपंच आहेत. रस्ते, पाणी, वीज, शैक्षणिक, सामाजिक प्रश्न सोडवण्यासाठी कटिबद्ध आहे. तसेच जिल्ह्यातील प्रत्येक घराघरात जाऊन पक्ष संघटना मजबूत करणार असल्याचा दावा संतोष सुरोशी यांनी केला आहे.