कारचालकासह पाच लोकांवर सदोष मनुष्य वधाचा गुन्हा

सहा लोकांवर हत्येचा गुन्हा दाखल
मुरबाड, ता. २४ (बातमीदार) : कल्याण-माळशेज घाट रस्त्यावर आवळेवाडी येथे शनिवारी (ता. २१) एका कारने मोटारसायकलला धडक दिल्यामुळे झालेल्या अपघातात एका स्थानिकाचा मृत्यू झाला, तर दोघे जण जखमी झाले होते. टोकवडे पोलिसांनी याप्रकरणी कारचालक सुभाष पवार, प्रवासी सुयोग पवार, विश्वास पवार, विशाल पवार (सर्व राहणार बदलापूर) यांच्यासह आणखी एका व्यक्तीवर हत्येचा गुन्हा दाखल केला आहे.
दरम्‍यान, या अपघातानंतर आवळेवाडी परिसरातील लोकांनी रास्ता रोको केला. तसेच पोलिसांवर हल्ला करून त्यांचे गणवेश फाडले. यामुळे दंगलसदृश परिस्थिती निर्माण झाली होती. याप्रकरणी ५९ गावकऱ्यांवर गुन्हा नोंदवण्यात आला असून, त्यापैकी २९ लोकांना अटक केली आहे.