वाचू आनंदे कार्यक्रम उत्साहात
वाचू आनंदे कार्यक्रम उत्साहात
मुलुंड, ता. २६ (बातमीदार) ः मुंबई मराठी ग्रंथसंग्रहालय, मुलुंड विभागाच्या वतीने नुकतेच वाचू आनंदे कार्यक्रम आयोजित करण्यात आला होता. या कार्यक्रमात सहभागी वाचकांनी त्यांना आवडलेल्या ग्रंथावर आपले मनोगत व्यक्त केले. आवडलेल्या ग्रंथाचा व लेखकाचा अल्पसा परिचय करून देत ग्रंथातील आवडलेले, भावलेले उतारे श्रोत्यांसमोर सादर केले. यात गीता गोखले यांनी (मन पाही मागे मागे – अरुण शेवते), वैशाली अभ्यंकर (कोरा कॅनव्हॉस-प्रभाकर बरवे), वासंती पेठे (मार्क इंग्लिस- संदीप श्रोत्री), रजनी साळुंखे (हिरवा कोपरा), अमोल सरतांडेल (स्वयंविकासाच्या वाटेवर- बापू गिरप), वसंत गोळे (आरोग्य निधी – राजीव दीक्षित), माधुरी जोशी (मिळून साऱ्याजणी-नूतन कर्णिक) या साऱ्या वाचकांनी सहभागी होऊन उपस्थित ग्रंथप्रेमींना वाचन अनुभवातून मंत्रमुग्ध केले. या कार्यक्रमाचा समारोप हा भाग्यश्री नूलकर यांनी (केशारचा पाऊस-मारुती चितमपल्ली) या ग्रंथातील त्यांना भावलेल्या एका उताऱ्याचे वाचन करून केला. असा हा वाचू आनंदे कार्यक्रम उत्साहात पार पडला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.