नमाजसाठी जाणाऱ्या वृद्धाचा अपघातात मृत्यू

नमाजसाठी जाणाऱ्या वृद्धाचा अपघातात मृत्यू
वांद्रेतील घटना; चालकाविरुद्ध गुन्हा दाखल
अंधेरी, ता. २९ (बातमीदार) ः नमाजसाठी जाणाऱ्या एका वृद्धाचा मृत्यू झाल्याची घटना वांद्रे परिसरात घडली आहे. अब्दुल करीम अहमद मोमीन असे या वृद्धाचे नाव असून, त्याच्या मृत्यूप्रकरणी अराफत शेख या चालकाविरुद्ध वांद्रे पोलिसांनी गुन्हा दाखल केला आहे.
अब्दुल मोमीन हे वांद्रे परिसरात त्यांच्या कुटुंबीयांसोबत वांद्रे परिसरात राहतात. मंगळवारी (ता. २४) सायंकाळी ते जवळच असलेल्या मशिदीत नमाजसाठी जात होते. रस्ता ओलांडताना त्यांना एका दुचाकीस्वाराने जोरात धडक दिली होती. त्यात ते गंभीररित्या जखमी झाले होते. त्यांना तातडीने भाभा रुग्णालयात दाखल करण्यात आले होते. तिथे त्यांना डॉक्टांनी मृत घोषित केले. अपघाताची माहिती मिळताच वांद्रे पोलिसांनी घटनास्थळी धाव घेतली. अब्दुलच्या मुलाच्या तक्रारीवरून पोलिसांनी दुचाकीस्वार अराफत शेख याच्याविरुद्ध तक्रार केली होती. या तक्रारीनंतर त्याच्याविरुद्ध पोलिसांनी गुन्हा दाखल करून त्याला चौकशीसाठी ताब्यात घेतले होते.