डोंबिवलीत मंगळवारी जनता दरबार

डोंबिवलीत मंगळवारी जनता दरबार
सकाळ वृत्तसेवा
डोंबिवली, ता. ४ : कल्याण-डोंबिवली महापालिका क्षेत्रातील नागरिकांच्या तक्रारी समजून घेणे आणि त्यांचे जलद गतीने निराकरण व्हावे, यासाठी दर महिन्याच्या दुसऱ्या मंगळवारी पालिका मुख्यालयात जनता दरबार भरविण्यात येतो. जुलै महिन्यात ८ जुलैला डोंबिवलीत महापालिकेच्या उपविभागीय कार्यालयात हा जनता दरबार दुपारी तीन ते पाच या वेळेत भरणार आहे. कल्याण-डोंबिवली पालिका क्षेत्रातील नागरिकांच्या पालिकेशी संबंधित समस्यांचे निवारण करण्यासाठी पालिका आयुक्तांच्या दालनात अभ्यांगतासाठी जनता दरबार आयोजित करण्यात येतो. या महिन्यातील जनता दरबार डोंबिवलीतील फ प्रभाग क्षेत्र कार्यालय, पी.पी.चेंबर इमारत, पहिला मजला, डोंबिवली (पू.) येथे होणार आहे.